【有片】加納大勝　湯馬士柏迪2助攻顯身價

《英超刨績王》加強版，最強數據一網打盡：http://win.on.cc/football/　

喺歐國聯休戰日，非洲勁旅加納周二(13日)同卡塔爾踢咗場熱身賽，呢場本身冇乜睇頭嘅比賽，因為新加盟阿仙奴嘅湯馬士柏迪而備受注目，呢果呢位「兵工廠」球員亦不負眾望，交出2次助攻帶領加納大勝5比1，據報湯馬士柏迪將會喺周三(14日)飛抵倫敦，備戰嚟緊對曼城嘅英超大戰。

加納呢場波係為下個月非國盃外圍賽準備，除湯馬士柏迪之外，佐敦阿休同安祖阿休都正選披甲。兩隊上半場踢成1比1，換邊後湯馬士柏迪發威，63分鐘塞出直線畀安祖阿休射入，2分鐘後再喺中場交出巧妙過頭波，畀右翼施夫奧胡蘇單刀射成3比1，加納尾段再入多2球湊成5比1大捷。