三獅兵想食曲奇?球星錫身唔亂搏

2020年10月14日 18:30
東網電視
更多新聞短片
《串績王》新登場,最強博彩盤路過關神器:http://win.on.cc/football/ 
歐國聯A2組賽事,榜首嘅英格蘭主場鬥丹麥。丹麥一向係難纏嘅對手,擅踢整體戰,贏佢哋要花唔少力氣,而且兩軍有大量效力5大聯賽嘅球員在陣,過多幾日又要搵食,踢太公波都係就住就住算,雙方近5次交手全開半場和,不妨追多一次。(香港開電視77台、有線661及601台周四凌晨2時45分直播)
英國人經常都話,國家隊領隊係全英國第二重要而且難打嘅工,僅次於英國首相。「三獅兵團」領隊備受多方面壓力,國家隊戰績要同球迷交代,但用人又要同各英超球隊周旋,如果用殘球員又惹來球會抨擊,好似今場對丹麥賽前,熱刺就想哈利卡尼退隊,但英格蘭主帥修夫基堅持唔畀,預計今場「哈神」會正選上陣。
近5次交手開晒半和
其實修夫基已經畀足面熱刺,英軍今輪踢3場波,首戰鬥威爾斯用盡新人,哈利卡尼只係喺觀眾席睇波,上場鬥比利時亦只係66分鐘先派佢上陣,不過熱刺主力孫興民同盧施素都有啲傷,球會今周仲要靠哈利卡尼食胡,相信「哈神」今場自己都會就住踢,同其餘21人情況一樣,都唔想因為踢國際賽「為國捐軀」。
論整體實力,英格蘭稍為秤高少少,不過丹麥擅長打整體戰,而且對英軍往績不落下風,近5次交手獲2勝1和2負,當中全開半場和,門將卡斯柏舒米高、賀積查治同基斯甸艾歷臣都有豐富英超經驗,對英軍球員習性瞭如指掌,相信雙方半場難分勝負,捧半場和啱數。