【官宣】尼達利基尼最後生機　重返水晶宮

《英超刨績王》加強版，最強數據一網打盡：http://win.on.cc/football/　

近年經常受傷患困擾嘅英格蘭右閘尼達利基尼，今夏同利物浦約滿後一直未有落班，不過水晶宮周四(15日)官方宣布，球會已經同呢位前英格蘭國腳簽署短期合約，尼達利基尼過去3季加埋只係踢過25場波，上季更加連1次上陣都冇，今次重返出道球會水晶宮，可能係佢挽救足球事業最後機會。

曾經14次代表英格蘭上陣嘅尼達利基尼，簽約水晶宮後表示：「我係倫敦人，水晶宮係我成長嘅球會，今次返屋企見番所有家人同朋友，希望我可以有好表現，再次享受足球嘅樂趣。」據報水晶宮今次同尼達利基尼簽約3個月，佢會同祖爾禾特爭逐正選位置。