【官宣】無止境外借!域陀摩西斯今次去俄超

20201016
東網電視
更多新聞短片
《串績王》新登場,最強博彩盤路過關神器:http://win.on.cc/football/ 
現年29歲嘅尼日利亞國腳域陀摩西斯,2012年已經加盟英超勁旅車路士,雖然至今仍然「掛名」係車仔球員,但係就連「藍戰士」球迷都未必記得佢係自己球員。車路士周五(16日)宣布,域陀摩西斯被外借去俄超勁旅莫斯科斯巴達1季,莫斯科斯巴達仲有權喺借用完結後將佢買斷。
連埋今次在內,域陀摩西斯過去8個球季被外借去6間唔同球會,包括利物浦、史篤城、韋斯咸、費倫巴治同國際米蘭,雖然呢位擅長踢翼衛嘅球星表現唔差,但一直搵唔到啱佢嘅球會穩定落嚟,上季佢喺干地執教嘅國際米蘭,各項賽事加埋都有20次上陣紀錄。