摩連奴又有收穫!熱刺簽入1米93中堅

2020年10月17日 09:00
東網電視
更多新聞短片
因應疫情而特別開設嘅「英國轉會窗」關閉,熱刺領隊摩連奴有收穫,成功簽入英冠球隊史雲斯中堅祖朗頓,據悉呢位22歲威爾斯國腳轉會費為1,100萬鎊,再加400萬鎊浮動轉會費。
維頓漢離隊之後,摩連奴曾經打算收購國際米蘭中堅史堅尼亞,但未能成事,幸好仲有「英國轉會窗」補貨。英超球會可以同英冠或以下級別球隊進行轉會交易,結果熱刺簽入祖朗頓,提升防線實力。
身高1米93嘅祖朗頓出身史雲斯青訓系統,佢至今為史雲斯上陣54次,加盟熱刺之後,將會着14號球衣。
祖朗頓於上年8月首次為威爾斯國家隊上陣,同今夏回巢熱刺嘅加里夫巴利屬於國家隊隊友,兩人依家仲可以喺熱刺拍住上。