曼聯「好消息」　馬古尼受傷或缺陣

足球博彩神器，每日重心提供盡在《彩報》：http://win.on.cc/football/　

曼聯將於周日(18日)凌晨英超作客紐卡素，紅魔鬼主帥蘇斯克查透露，中堅哈利馬古尼日前為英格蘭上陣對丹麥時受傷，可能無緣今場英超。

蘇斯克查話：「哈利馬古尼攞紅牌之前，已經被對手踢傷，我哋要為佢進行詳細檢查。」英國傳媒指，哈利馬古尼要求蘇B畀佢繼續上陣，但蘇B依家公布呢位世界最高身價後衞有傷在身，似乎已經準備收起佢。

哈利馬古尼加盟曼聯之後不時犯規，上場歐國聯更因為被逐，連累英格蘭輸波，被網民形容為「防線炸彈」，難怪紐卡素領隊布魯士都呼籲蘇斯克查應該繼續派哈利馬古尼上陣，擺明想針對呢個紅魔鬼最大弱點來打。