寸王爆料：巴利將會踢呢個位置

《串績王》新登場，最強博彩盤路過關神器：http://win.on.cc/football/　

熱刺今夏向皇馬借用嘅球星加里夫巴利已經傷愈，可望於周日(18日)晚英超上陣對韋斯咸，熱刺領摩連奴表示，將會安排加里夫巴利踢佢最鍾意嘅右翼位置。

「寸王」摩連奴話：「我第1次同加里夫巴利對話時，問過佢最想踢邊個位置，呢個問題對球隊同球員都非常重要，佢好清楚話係右翼。當然佢唔一定會長期踢呢個位，仲要因應球隊需要而定，佢依家最喜歡踢右翼，由呢個位置開始，對佢都有好處。」

加里夫巴利當年由修咸頓加盟熱刺後，主要踢左翼，但轉投皇馬之後改踢右翼，有利佢扣入中路用最擅長嘅左腳射門，呢招相當有威脅，可以發揮佢左腳王嘅威力。