挪威天才傷埋！皇馬缺少3位大將

足球博彩神器，每日重心提供盡在《彩報》：http://win.on.cc/football/　

皇馬收到不利消息，今季回巢嘅中場馬田奧迪加特因為受傷，無緣周日(18日)凌晨西甲主場對卡迪斯。呢位21歲新星早前為挪威踢完歐國聯比賽之後，發現右腳肌肉受傷，估計需要休息一段時間。

皇馬嚟緊陷入地獄賽程，需於7日內踢3場比賽，包括聯賽對卡迪斯、歐聯對薩克達，以及「國家打吡」惡鬥巴塞隆拿。皇馬本身已經有夏薩特、丹尼爾卡華積養傷，依家馬田奧迪加特都傷埋，令球隊雪上加霜。

今季4場西甲之中，馬田奧迪加特為皇馬上陣3次，有2次係正選，成為教練施丹「新寵兒」，佢日前為挪威上陣踢3場國際賽，貢獻3次助攻，表現出色，皇馬缺少馬田奧迪加特，難免影響進攻力。