曼城再出手追美斯　報價低到你唔信

《英超刨績王》加強版，最強數據一網打盡：http://win.on.cc/football/　

早排美斯話要同巴塞解約搞到滿城風雨，最終呢位阿根廷球王都係留喺巴塞踢埋今個賽季，但係佢同巴塞嘅合約到明年夏天到期，最近又再有消息話曼城再向球王出手，但出價就相當低。

巴塞啱啱喺西甲輸畀基達菲，好多人都跌晒眼鏡，更令人懷疑美斯喺球隊嘅存在感，令佢季尾離隊嘅消息再度升溫，據英媒報道，曼城計劃明年1月再次出手，希望可以同美斯傾得掂，但據悉藍月亮只會開出1500萬英鎊嘅轉會費。

知情人透露美斯同巴塞續約嘅機會好微，而《鏡報》報道巴塞主帥朗奴高文已經接受美斯明年離開，仲諗住斟介利物浦嘅韋拿杜姆同埋曼城嘅艾利加西亞，下季嘅巴塞應該會大執位。