J神英超重生！皇馬要求施丹解釋

足球博彩神器，每日重心提供盡在《彩報》：http://win.on.cc/football/　

今夏被皇家馬德里放棄嘅占士洛迪古斯，嚟到愛華頓之後喺英超大放異彩，呢位29歲哥倫比亞國腳仲係以免費方式轉會，更加令人覺得皇馬「走寶」。

據西班牙《阿斯報》報道，皇家馬德里高層認為教練施丹「錯誤管理」，除向佢表達不滿之外，更加要求呢位法國名帥解釋做出呢個決定嘅原因。

占士洛迪古斯喺施丹領導下一直未受重用，雖然皇馬今個夏天罕見「零收購」，但施丹仍然覺得占士洛迪古斯係「多餘」，為求慳人工甚至畀佢免費轉會。皇馬高層亦關注，被施丹放走嘅丹尼施巴路斯、加里夫巴利同利古朗等，到底係咪一個正確決定。