留力國家打吡　巴塞隆拿歐聯出後備

《英超刨績王》加強版，最強數據一網打盡：http://win.on.cc/football/　

啱啱喺西甲輸波嘅巴塞隆拿，周三(21日)凌晨將會喺歐聯分組賽出擊，主場迎戰匈牙利球隊費倫斯華路士，不過據西班牙《世界體育報》消息，巴塞隆拿教練朗奴高文將會大變陣，收起美斯、基沙文等主力，留力嚟緊對皇家馬德里嘅西甲「國家打吡」。

巴塞隆拿連續2場聯賽失分後，下輪主場迎戰皇家馬德里不容再失，由於費倫斯華路士係歐聯分組入面實力最弱嗰隊，朗奴高文就計劃畀主力休息，美斯、基沙文、碧基、布斯基斯同達史特根好大機會休戰，卡利斯艾蘭拿、柏迪、祖尼亞費普等新人有望披甲，比真歷亦好大機會首次正選登場。