米洛列特「中招」 布魯日3人缺陣歐聯

足球博彩神器，每日重心提供盡在《彩報》：http://win.on.cc/football/　

「歐洲球壇群組」繼續擴大，布魯日門將米洛列特喺社交網上宣布自己確診新冠肺炎，加上有2位隊友亦「中招」，意味呢支比利時勁旅有3位球員無緣周三(21日)凌晨歐聯分組賽作客辛尼特。

曾經效力利物浦嘅米洛列特喺社交網上話：「經過檢測之後，好不幸我對新冠肺炎病毒呈陽性反應，我同家人都需要立即進行隔離，我哋都冇病症。」32歲嘅米洛列特除咗為布魯日把關之外，今個月3場國際賽都為比利時國家隊正選上陣，包括歐國聯對英格蘭。

至於另外2位確診嘅布魯日球員分別係後衞哥蘇奴、前鋒卡文斯克，球會行政總裁馬拿特亦「中招」。