老友探訪後確診！朗尼中伏要隔離

《串績王》新登場，最強博彩盤路過關神器：http://win.on.cc/football/　

打比郡球員兼教練朗尼，喺上周鬥屈福特前，招呼老友祖殊班士利(Josh Bardsley)嚟屋企聚一聚，點知祖殊原來已經被當局列為新冠肺炎密切接觸者，需要自我隔離14日，但佢無視隔離令同朗尼見面，及後更確診中招。

朗尼透過經理人發表聲明，指祖殊從未告知朗尼有關新冠肺炎事，若知道對方係緊密接觸者，一定唔會同佢見面。對於自己被隱瞞，感到「憤怒又失望」，因為咁會影響到家人同隊友。

朗尼無啦啦中伏，要即刻做檢測，好彩出嚟結果係陰性，但呢名前曼聯隊長就要接受隔離，將會錯過未來3場英冠，而打比郡同屈福特嘅職球員，都要強制接受病毒測試。