占美尼斯拆人祠堂都冇事 球證又係佢哋!

20201020
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
周二(20日)凌晨英超大戰,列斯聯主場迎戰狼隊鬥得激烈,上半場列斯聯控制戰局,但面對狼隊緊密防線束手無策,換邊後狼隊開始反撲,去到70分鐘,魯爾占美尼斯一次睇落威脅唔大嘅遠射,因為列斯聯中場加雲菲臘斯加一頭改變方向直飛入網,狼隊就憑呢個入球小勝1比0。
魯爾占美尼斯今場唔單止入波有運,最後唔使食紅牌亦要還神。喺比賽最後階段,魯爾占美尼斯被列斯聯中堅羅賓高治撞跌後,疑似報復性咁一腳踩向對方下體,不過球證同VAR都冇任何行動,令球迷非常不滿。有趣嘅係,今場執法球證古迪同VAR球證奧利華,就係日前「默西塞德郡打吡」放生比克福特嘅球證組合,不過當時古迪係負責操控VAR系統。
前英超球證希斯賽後表示:「魯爾占美尼斯唔使趕出場真係好幸運,熱刺嘅孫興民之前試過有比呢腳更輕微動作,都要食紅牌。」至於狼隊主帥紐奴就話:「我隔太遠睇唔到,但呢啲事情由球證負責,其他人唔需要講太多,我自己就睇唔到。」