曼聯右閘偷食連格前女友　仲有個女仔大肚

《英超刨績王》加強版，最強數據一網打盡：http://win.on.cc/football/　

曼聯剛大炒紐卡素，隊內氣氛好番啲，點知轉頭又爆醜聞，今次主角係右閘雲比沙卡。近日網絡瘋傳，雲比沙卡在相片中攬實連格前女友馬莉(Marlie)，仲留言話雲比沙卡就快有個BB，但佢唔想要，被網民熱烈討論。

英國傳媒調查所得，雲比沙卡嘅現任女友賓特莉(Bentley)，在網上發現男友出軌，而出軌對象就係隊友連格嘅前女友馬莉，佢發現兩人正在交往，該相片正是由馬莉個人社交網站上載，並附有有段留言：「佢個BB即將出世，但佢話唔想要個BB。」

雖然馬莉已刪除上述相片，但該圖已在網上流傳，並引起網友不同猜測，有人估計其實係雲比沙卡正印女友賓特莉懷孕，佢乘機偷食，但亦有猜測懷孕女子另有其人，係一位不知名女仔；至於連格，只係令件事更Juicy。