車路士鋼門神奇復操　今晚出得？

《英超刨績王》加強版，最強數據一網打盡：http://win.on.cc/football/　

車路士上場聯賽被修咸頓逼和3:3，門將阿列沙巴拿加又派膠，今晚歐聯對西維爾點算好？今晩買波前大家最好留意車路士陣容，事關該隊新簽鋼門艾度亞文迪近日復操，唔知會唔會今場亮相？

英國《每日電訊報》報道，國際賽檔期期間右大腿受傷嘅艾度亞文迪，提前獲送返車路士診治，上仗英超對修咸頓改由阿列沙巴拿加把關，結果被逼和3:3又失2分，今仗歐聯對西維爾係分組賽出線關鍵，如果用阿列沙巴拿加，大家都冇信心。

報道指，艾度亞文迪經過一個多星期治療，周日及周一連續2日都步出球場參加訓練，傷勢似乎冇大礙，不過今晚會否冒險派佢上陣，仲要睇林柏特點諗。