巴塞4子續約　碧基有「美斯條款」

《串績王》新登場，最強博彩盤路過關神器：http://win.on.cc/football/　

西甲勁旅巴塞隆拿經過今夏一輪大清洗之後，依家展開「留人行動」，宣布同4位主力續約，包括門將達史特根、中堅碧基、基文迪朗格勒、中場法蘭基迪莊。

由於受新冠肺炎疫情打擊，巴塞隆拿向球員提出減薪30%，等財政恢復正常之後，再補出減少咗嘅人工畀球員，上述4位球員率先同意呢個方案，同球會共度時艱，會方亦隨即同佢哋續約。

其中33歲副隊長碧基續約至2024年，並加入同美斯一樣嘅條約，就係每季結束後，可以選擇自由身離隊，但唔可以免費轉投歐洲球會。如果碧基2021/22年、2022/23年球季，上陣率低於33%，會方可以提早同佢解約。

美斯今夏曾經動用「自由身」條款，要求走人，但被球會拒絕，碧基真係要小心睇清楚合約細節。

門將達史特根續約至2025年，新合約人工將會先減後加。基文迪朗格勒、法蘭基迪莊同樣續約至2026年。