VVD頭號替身！利物浦冬季出手搶購

《英超刨績王》加強版，最強數據一網打盡：http://win.on.cc/football/　

利物浦中堅華基爾雲迪積克(VVD)早前受重傷，預料將長抖超過半年，據悉會方計劃明年1月冬季轉會市場重開後，出手簽入中堅，白禮頓中堅賓韋特成為紅軍頭號收購目標。

根據外國媒體《The Athletic》爆料，利物浦內部已經開始討論簽入中堅，領隊高普睇中賓韋特，呢位23歲英格蘭新星上季被白禮頓外借去列斯聯，表現出色，協助列斯聯取得英超席位。

賓韋特今季返回白禮頓，立即獲得重用，5場英超都踢正選，由於佢上月先至同白禮頓續約至2024年，利物浦想收購佢，並唔容易。

如果利物浦未能簽入賓韋特，就可能爭取收購史浩克04中堅奧辛卡巴克，其實早於今年7月，利物浦已經想收購呢位20歲土耳其國腳，冬季再出手都唔奇。