盧卡古梅開二度 國米補時執番1分

2020年10月22日 12:03
東網電視
更多新聞短片
(Getty Images)
《串績王》新登場,最強博彩盤路過關神器:http://win.on.cc/football/ 
周四(22日)凌晨歐聯B組,意甲豪門國際米蘭主場僅逼和慕遜加柏2比2,國米前鋒盧卡古梅開二度,包括補時建功,幫球隊執番1分。呢位比利時國腳已經連續9場歐洲賽入波,繼續擴大自己保持嘅國米球員最長歐洲賽連續入球紀錄。
盧卡古下半場開賽4分鐘,近門轉身射入,為國米先開紀錄,但慕遜加柏之後博到12碼,由賓斯拜尼射入扳平。踢到84分鐘,莊拿斯荷夫曼入波為慕遜加柏反超前,令國米陷入困境,好彩盧卡古補時又近門建功,逼和2比2完場。
27歲嘅盧卡古上年8月加盟國際米蘭以來,上陣56場已經入40球,效率驚人,可惜國米其他球員狀態麻麻,賽後盧卡古話:「今場賽果並唔好,我哋仲可以做得更多。」
意大利《米蘭體育報》亦指即使盧卡古狀態大勇,但國際米蘭仍然未復甦。其實國米飽受新冠肺炎疫情打擊,會方最新公布今季新加盟嘅阿舒拉夫,確診新冠肺炎,成為隊內近期第7位中招嘅球員,佢並冇病症。
之前2位確診嘅球員巴斯東尼、尼恩高蘭已經康復,其中巴斯東尼今場歐聯後備上陣,助攻盧卡古入第2球。