曼聯玻璃人艾歷拜利又傷　要抖1個月

《串績王》新登場，最強博彩盤路過關神器：http://win.on.cc/football/　

曼聯領隊蘇斯克查確認，科特迪瓦中堅艾歷拜利肌肉受傷，將缺陣1個月。呢位26歲戰將2016年加盟曼聯以來不斷受傷，有報道指佢養傷時間超過300日，完全係玻璃人。

艾歷拜利早前回復健康，先後在英聯盃對盧頓及聯賽對熱刺正選上陣，但之後對紐卡素及巴黎聖日耳門已經唔見咗佢，蘇斯克查確認，艾歷拜利肌肉受傷，要休息3至4周：「或者要等下個月國際賽檔期後，佢先會復出。」

唔經唔覺，艾歷拜利加盟曼聯已有4年，期間佢經歷多次傷病，膝部同足踝都曾經受傷，養傷時間超過300日，換句話說有接近一年時間係養傷。