曼聯疫情下業績滿江紅　格拉沙家族照袋2億

《串績王》新登場，最強博彩盤路過關神器：http://win.on.cc/football/　

曼聯本周公布年度財政報告，受疫情影響，球會年收入急跌，負債則急升，不過班主格拉沙家族仍然獲得約2000萬鎊(約2.03億港元)年度分紅，繼續豬籠入水。

講番份報告，曼聯年度總收入下跌18.8%，由原本6.27億鎊下跌至5.09億鎊，足足跌咗1.18億鎊，當中轉播收入損失最多，由2.402億鎊下跌至1.412億鎊，真係睇見都肉赤。

收入減少之餘，曼聯負債則急升，由一年前嘅2.036億鎊，上升至4.741億鎊，負債勁升132.9%。

就連曼聯嘅業績都「滿江紅」，其他細球會情況可想而知。不過現時疫情仍未過去，英超仲係閉門進行，此情況未知要持續到何時，睇嚟球圈未來一段時間都要過緊日子。