哈利卡尼要做歐洲頂尖前鋒？改名啦！

足球博彩神器，每日重心提供盡在《彩報》：http://win.on.cc/football/　

熱刺前鋒哈利卡尼係2屆英超神射手，對上6個球季平均入波都達到20球以上，水準極之穩定，今季英超開季更加狀態巔峰，頭5場英超入5球之餘，更加有10次助攻成為歐洲5大聯賽第1助攻王，絕對稱得上係世界頂尖前鋒。

不過，進軍「講波佬」行列嘅屈福特前鋒迪尼，日前就表示哈利卡尼經常畀人低估，原因係佢嘅英格蘭球員身份，甸尼表示：「大家討論世界頂尖前鋒，一定係講羅拔利雲度夫斯基、賓施馬，討論世界5大前鋒都冇哈利卡尼份，除非哈利卡尼改一個歐洲名，否則大家都會繼續忽視佢。」

哈利卡尼近年經常要獨力孭起熱刺中鋒重擔，不過今季有卡路士雲尼斯奧斯加盟，令呢位英格蘭前鋒有更多休息機會，可望有更加好嘅發揮。