坐完監又要再困住　細哨確診新冠肺炎

《串績王》新登場，最強博彩盤路過關神器：http://win.on.cc/football/　

早排因為用假護照被判坐監嘅前巴西球星朗拿甸奴，啱啱放監又要再被困住，皆因佢周日喺自己社交平台公布確診新冠肺炎，現正在隔離。

細哨上個星期六去到貝洛奧里藏特出席一個活動，其後確診新冠肺炎，佢錄咗一條短片話自己「中招」，但無症狀：「我接受咗新冠肺炎嘅測試，結果係陽性。我身體唔錯，無症狀，而活動都需要推遲。我哋好快就會見面，來個擁抱！」

呢位40歲嘅前巴西兼巴塞球星早排同佢阿哥入境巴拉圭，因為使用假護照被拘捕，兼且坐咗32日監。