41歲李東國宣布掛靴　周日全北一戰告別

《串績王》新登場，最強博彩盤路過關神器：http://win.on.cc/football/　

前南韓國腳李東國喺自己嘅社交平台宣布退役，結束23年的職業生涯。

呢位41歲嘅老將將會喺今個禮拜日（11月1日）韓職最後一輪賽事全北汽車主場對FC大邱之後，正式掛靴。李東國話自己經過深思熟慮之後做出呢個決定，但退役唔代表結束，反而係另一個新開始，「我好多謝呢23年來一直支持同埋鼓勵我嘅人，嚟緊最後一場，我李東國會全力以赴，感謝所有愛我嘅人。」李東國今季落場10次攻入4球。

出生於1979年嘅李東國，係當今韓職最老嘅現役球員，生涯射入228球；98年首次喺浦項制鐵亮相，2007年去咗英超米杜士堡，一年後再返南韓去城南搵食，而2009年轉會到全北汽車，到依家都一直效力到今季。同時，佢為南韓隊出戰105次。