卡尼變全能戰士　助攻+護空門瓣瓣掂

《串績王》新登場，最強博彩盤路過關神器：http://win.on.cc/football/　

熱刺首席射手哈利卡尼今季入球數字，暫時比唔上拍檔孫興民，但唔代表佢表現差，其實呢位英格蘭國家隊隊長今季轉型，改為幫隊友鋪橋搭路，佢今場助攻孫興民入波，今季各項賽事上陣10場，已經貢獻8次助攻，創出職業生涯單季最多助攻次數。

在此之前，哈利卡尼單季最多助攻係2016/17年球季，有7次助攻，但今季只係踢10場比賽，已經有8次助攻，可見佢喺進攻上嘅轉變非常大，預料哈利卡尼今季可以做出入波同助攻「雙雙」成績。

除咗進攻之外，哈利卡尼今場對般尼，連防守工作都做埋，當時踢到71分鐘，般尼中堅達高斯基迎頂角球，門將洛里斯已經投降，好彩哈利卡尼及時用頭槌護空門。5分鐘之後，佢再助攻孫興民入波，可見熱刺今場贏波最大功臣其實係哈利卡尼。