阿古路要抖一個月　對紅軍哥帥要諗計

《英超刨績王》加強版，最強數據一網打盡：http://win.on.cc/football/　

曼城王牌前鋒阿古路受傷，周三(28日)凌晨歐聯「藍月亮」對馬賽一戰就唔使預佢，但係佢嘅傷情唔簡單，主帥哥迪奧拿話隨時要抖足一個月，嚟緊係英超對利物浦嘅關鍵一仗，應該冇佢份。

阿古路上場對韋斯咸整傷韌帶，哥帥話：「阿古路上場受傷，係肌肉問題，通常肌肉傷勢冇咁快可以康復，我哋預計最少要10至15日，如果康復情況唔理想，可能要三個星期，甚至一個月。」

換言之，曼城喺11月8號英超主場對利物浦，阿古路應該無緣出戰，相信哥帥都諗諗計。講番今場歐聯，雖然阿古路缺陣，但中堅拿樸迪同埋中場奇雲迪布尼復出。