巴塞會長遭彈劾　巴度美奧：我唔會辭職

《英超刨績王》加強版，最強數據一網打盡：http://win.on.cc/football/　

巴塞隆拿由上季至今動蕩不休，國家打吡慘敗後，會長巴度美奧周一(26日)出席記者會，就自己遭巴塞會員彈劾一事作出回應，佢表示冇諗過辭職，仲話佢唔走都係為巴塞好。

巴塞上季出現內亂，球王美斯被擺上枱，令佢決意求去，今夏提交離隊請求，所有矛頭指向會長巴度美奧，早前嘅會員彈劾投票已超過1.6萬票嘅最低門檻，將可舉行全民投票迫令巴度美奧下台，但巴度美奧堅決表示唔會辭職。

巴度美奧表示：「關於彈劾投票，我唔會阻止，但現時情況好特殊，我唔會辭職，如果舉行全民投票都可以，我哋會等待投票結果，我唔走係為巴塞好，因為將球會交畀一個臨時管理者，將會好糟糕。」

不過就算巴度美奧唔落台，巴塞亦會於明年初舉行大選，選出新會長。