羅拔仔遭勒索1.8億　前經理人被捕

足球博彩神器，每日重心提供盡在《彩報》：http://win.on.cc/football/　

拜仁慕尼黑今晚作客莫斯科火車頭賽前，拜仁波蘭射手羅拔利雲度夫斯基解決咗一宗私人糾紛。波蘭傳媒報道，當地警方日前拘捕前國腳古查斯基(Kucharski)，指佢牽涉勒索羅拔利雲度夫斯基2000萬歐元(約1.83億港元)案件，疑犯係羅拔仔前經理人。

華沙檢察官發言人周二表示：「古查斯基(48歲)對羅拔利雲度夫斯基提出無理要求，兩人曾經係球員同經理人關係，喺呢種情況下，羅拔利雲度夫斯基被視為受害者。」

報道指，兩人合作咗10年時間，直至2年前結束合作關係，羅拔仔改與另一經理人沙哈維(Zahavi)合作，之後古查斯基向羅拔仔提出無理要求，因涉嫌勒索被捕。

古查斯基都係前球星，代表波蘭出戰2002年世界盃，不過就冇羅拔仔名氣咁大，掛靴後從事經理人業務，最大客戶就係羅拔仔。