又傷中堅!利物浦贏波代價沉重

2020年10月28日 10:00
東網電視
更多新聞短片
《英超刨績王》加強版,最強數據一網打盡:http://win.on.cc/football/ 
利物浦周三(28日)凌晨歐聯D組賽事,主場以2比0輕取丹麥球會米迪蘭特,不過近期客串中堅嘅法賓奴泰華利斯上半場疑似拉傷大腿,而提早退下火線,喺華基爾雲迪積克重傷提早收咧情況下,「紅軍」中堅人手買少見少。
利物浦今場表現一般,上半場竟然未有一腳中龍射門,好在換邊之後開始發力,近況大勇嘅葡萄牙新兵迪亞高祖達55分鐘先拔頭籌,而穆罕默德沙拿就喺完場前射入12碼奠定勝局。迪亞高祖達今場入波,亦係利物浦史上第10,000個入球。
「紅軍」目前2戰全勝排D組榜首,不過領隊高普更加擔心傷患問題:「法賓奴受傷係我哋最唔想見到嘅情況,佢覺得大腿筋出現問題,實際情況我都唔知。法賓奴話佢可以繼續留喺場上,但就唔能夠衝刺,我哋要等檢查結果,但呢件肯定唔係好事。」