8秒入波破紀錄　雷丁Book定英超入場券？

《英超刨績王》加強版，最強數據一網打盡：http://win.on.cc/football/　

今季英超爭逐超級激烈，由第1去到第14位都只係得5分距離，不過英冠就出現一支獨秀情況，雷丁周三(28日)凌晨作客4比2大破布力般流浪後，開季8場有7勝1和不敗佳績，係球會自85/86球季後，近35年最佳開季成績。雷丁贏波後以7分優勢排喺英冠榜首，雖然依家仲係球季早段，已經被視為升上英超嘅大熱之選。

雷丁今場開波8秒鐘就由科特迪瓦前鋒耶高馬迪入波，打破球會史上最快入波紀錄，雖然布力般流浪2分鐘後由阿當岩士唐閃電追平，不過雷丁完半場前已經由米高奧利斯同祖舒羅倫入波領先3比1，最終以4比2取得聯賽3連勝。