金童化身！堅恩打破迪比亞路紀錄

足球博彩神器，每日重心提供盡在《彩報》：http://win.on.cc/football/　

歐聯H組，巴黎聖日耳門(PSG)以2比0擊敗巴沙克舒希，摩斯堅恩包辦2個入球，打破祖雲達斯名宿迪比亞路所保持嘅紀錄，以20歲零234日成為歐聯史上首次踢正選就入波嘅最年輕意大利球員。

迪比亞路當年20歲零308日首次以正選身份踢歐聯就入波，同樣效力過祖雲達斯嘅摩斯堅恩，今次一舉打破呢項封塵近26年嘅紀錄，的確難能可貴。

最令人嘖嘖稱奇係摩斯堅恩之前效力愛華頓，上陣37場只入4球，但佢早前被愛華頓外借去巴黎聖日耳門之後，表現判若兩人，繼上場法甲對迪安，個人梅開二度之後，今場歐聯又起孖。

換言之，摩斯堅恩近2場入波數字，已經等於效力愛華頓期間踢37場比賽嘅入球數字，佢表現咁出色，雖然今季借用合約並冇買斷條款，但PSG亦肯定會盡力買斷呢位意大利國腳。