疑似婚禮派對曝光　C朗同喬治娜跳舞放閃

《串績王》新登場，最強博彩盤路過關神器：http://win.on.cc/football/　

確診新冠肺炎嘅葡萄牙球星C朗拿度，因為檢測仍然呈陽性要繼續隔離，但無阻佢同未婚妻喬治娜晒恩愛，一條疑似婚禮式嘅派對片段上載咗係佢嘅個人社交平台，仲同喬治娜不停放閃。

呢段片長達4分幾鐘，拍攝時間係上個月，C朗同喬治娜就係片中嘅男女主角，地點當中邀請了大約20位親友，有講有笑，又有唱歌助慶，片段中可見佢哋有玫瑰瓣親托，由黃昏暢飲到夜晚，兩位主人翁更親密跳舞，似足一個小型婚禮。

C朗喺自己嘅社交網分享呢條片段，超過2200萬人次睇過，有幾個留言畀Like，佢仲留言話：「最好嘅生活就係同自己最愛嘅人一齊！跟妳享受每個愛與歡樂嘅時光，喬治娜！」而喬治娜亦將佢嘅片段轉載，兼寫一句：「我會永遠不停咁愛你，基斯坦奴。」