「J神」睪丸受傷　療傷神器幫到手

《英超刨績王》加強版，最強數據一網打盡：http://win.on.cc/football/　

愛華頓開季成績突出，占士洛迪古斯表現更加光芒四射，不過據西班牙《馬卡報》報道，原來「J神」喺早前對利物浦一仗，同華基爾雲迪積克碰撞後受傷，而且仲搞到睪丸發炎，上場聯賽輸畀修咸頓一仗頂硬上踢足全場，但之後一直都練唔到波，今個星期日(11月1日)作客紐卡素同樣上陣成疑。

不過「J神」喺社交網自爆，佢用咗一部叫NormaTec嘅氣壓式循環按摩器，利用氣壓去促進淋巴同靜脈血回流至心臟，分散代謝物質，有助去除瘀血同加快愈合反應。

占士洛迪古斯今季英超已有3入波同3助攻，喺巴西前鋒李察利臣停賽之下，愛華頓更加需要呢位進攻中場嘅創造力。