傑斯潑冷水:曼聯捧英超要等多20年
20201030
東網電視
更多新聞短片
曼聯重奪英超唔知幾時
足球博彩神器,每日重心提供盡在《彩報》:http://win.on.cc/football/
前曼聯球星傑斯接受英國《太陽報》訪問,分析曼聯重奪英超機會,佢對曼聯前景唔多睇好,喺利物浦及曼城持續強勢下,曼聯想再捧英超冠軍,要再等20年。
傑斯在曼聯生涯中贏過13次英超冠軍,最近1次係2013年,傳奇領隊費格遜捧盃後退休,之後7年曼聯換過4任主帥,最好成績係2017至18年嘅亞軍,但落後曼城19分,其次係上季嘅季軍。
傑斯指出,利物浦亦曾經長達30年未能奪冠,佢話:「如果哥迪奧拿同高普一直留喺英超,曼聯就冇機會,事實上高普都用咗4年半時間先至捧盃,佢每年都提升球隊實力,期間贏過歐聯冠軍。但曼聯唔同,每次搵新領隊,大家都期望佢立即贏聯賽冠軍,但事實唔係咁樣。」
雖然傑斯潑冷水,但另一名宿史高斯認為,今年歐聯曼聯有奪標機會,佢話:「睇番今季歐聯各隊,只有拜仁特別好,其餘球隊就普普通通,所以曼聯唔係冇機會。」曼聯在歐聯分組賽首2仗連勝巴黎聖日耳門及RB萊比錫,表現出色。