拉素肺炎檢測疑造假　或被逐出聯賽

《串績王》新登場，最強博彩盤路過關神器：http://win.on.cc/football/　

意大利《米蘭體育報》報道，意大利足總就拉素近日喺新冠病毒測試出現反覆結果展開調查，一旦發現拉素嚴重違規，最嚴重後果係被逐出職業聯賽。

拉素喺上周歐聯鬥布魯日之前，有多名球員對新冠病毒測試呈陽性，包括上季歐洲金靴獎得主恩莫比尼，但返到意甲鬥拖連奴之前，幾名中招球員又變番陰性，恩莫比尼仲入波助球隊贏4比3，拉素嘅官方解釋，話歐洲足協嘅測試結果係假陽性。

不過，拉素本周三歐聯作客辛尼特前，又有三人確診唔准出發，今次又有恩莫比尼份。意大利足總正就有關事件作出調查，懷疑有人喺檢測中造假。根據相關條例，如果拉素偽造文件罪名成立，將會受到處罰，包括罰款、扣分、降級，甚至最嚴重嘅逐出職業聯賽。