1項數據話你知　蘇斯克查差過摩連奴

《英超刨績王》加強版，最強數據一網打盡：http://win.on.cc/football/　

蘇斯克查2018年12月中接替摩連奴，成為曼聯主帥，經過近2年時間，埋單計數，發現蘇斯克查教波成績，仲差過當年嘅摩連奴。

曼聯上場歐聯1比2不敵巴沙克舒希之後，蘇斯克查領軍101場，輸咗25場，輸波率達24.75%。至於摩連奴執教曼聯期間，踢咗144場輸28場，輸波率僅19.44%。

同埋摩連奴曾經協助曼聯奪得英聯盃及歐霸盃冠軍，英超最佳成績係亞軍，蘇斯克查接手以來，1隻盃都冇，上季英超勉強獲得第3位，取得歐聯入場券，完全比唔上「寸王」。