J神復出!硬爆曼聯「BB班」防守

20201107
東網電視
更多新聞短片
《英超刨績王》加強版,最強數據一網打盡:http://win.on.cc/football/ 
周六(7日)晚英超頭場,異軍突起嘅愛華頓主場迎戰曼聯。「拖肥」雖然聯賽2連敗,但全部都係作客,佢哋主場出擊特醒,例必搶攻,曼聯今季「BB班」防守淪為笑柄,好彩攻力唔曳,加上近年造訪葛迪遜公園球場都有士哥,2.5球嘅大盤趁早買。(Now 621及611周六晚8時30分直播)
愛華頓連續2場聯賽輸波,不過要留意,兩仗都係作客賽事,而且星級中場「J神」占士洛迪古斯喺上仗輸畀紐卡素因傷倦勤,冇咗佢進攻點都差啲,好彩領隊安察洛堤賽前透露,呢位哥倫比亞球星今仗有望復出。「J神」呢季英超踢咗6場,入3粒兼交出3次助攻,係「拖肥」進攻泉源,有佢擔大旗戰力升晒呢。
除咗「J神」之外,愛華頓今季亦打起咗卡維特利雲,呢位英格蘭前鋒已有8粒進帳,上仗鬥紐卡素即使落後2粒仍未放棄,最終喺末段入波,雖然未能扭轉敗局,但永不放棄嘅態度,係佢不斷搵到入波機會嘅主因,今場返主場作賽,又係佢數胡時候,而且愛華頓周中冇比賽可以逸待勞。
曼聯今季演出時好時壞,啱啱周中歐聯作客以1比2輸畀巴沙克舒希,防線再次出醜,更遭名宿史高斯狠批係U10賽事嘅水平,防線立立亂毫無組織,唯一喜訊係安東尼馬迪爾能保持水準、以頭槌破蛋。紅魔以往作客愛華頓成績唔錯,近6次造訪葛迪遜公園球場,有5次能取得入球,既然「拖肥」近5場主場全開3球或以上,曼聯每次畀人睇死都有驚喜表現,捧2.5球嘅入球大更穩陣。