烏克蘭撼德國前4星確診　耶莫蘭高有份

《串績王》新登場，最強博彩盤路過關神器：http://win.on.cc/football/　

烏克蘭喺上個月國際賽期，多位球員確診新冠肺炎搞到成績慘淡，點知周日(15日)凌晨歐國聯作客德國前又出事，烏克蘭足總周六(14日)宣布發現5宗確診個案，包括4名球員同埋1名教練，確診者包括效力韋斯咸嘅球星耶莫蘭高。

烏克蘭證實4名確診球員為耶莫蘭高、沙度卓克、高維蘭高同迪斯漢哥夫，佢哋目前都留喺大軍酒店房間內隔離，未有參與練習。烏克蘭領隊舒夫真高表示：「我哋星期日會再為全隊做測試，依家等緊關於呢場比賽嘅資訊，尤其係歐洲足協嘅反應。」

根據歐洲足協嘅指引，只要球隊有1名龍門加12名外場球員候命，賽事就可以舉行，而烏克蘭依家仍有4個門將同17個外場球員，理論上作客德國嘅比賽可以如期上演，不過比賽地點萊比錫市嘅健康部門，亦有權決定比賽係咪如期舉行。