主隊放陰招　奧巴美揚被困機場6個鐘

《串績王》新登場，最強博彩盤路過關神器：http://win.on.cc/football/　

非洲波蠱惑多，阿仙奴加蓬射手奧巴美揚今個國際賽期返咗非洲為國效力，準備今晚非國外作客岡比亞，但全隊入境時被困機場，要打地鋪就地休息，奧巴美揚就喺網上發牢騷。

據了解，奧巴美揚率領嘅加蓬比賽前晚上11點抵達岡比亞機場，但辦理入境手續時遇到障礙，關員扣起晒全隊護照，而球員就喺機場坐椅同地下休息，大半隊球員倦極入睡，直至清晨6點先至獲關員放行，入境岡比亞。

全賴奧巴美揚知名度夠高，佢將上述情況上載到社交網，怒插岡比亞出陰招，再鬧埋非洲足協辦事不力，竟然容許賽事主辦方胡作非為，仲揚言唔會認輸。今晚午夜12點，岡比亞對加蓬，不妨留意吓加蓬班球員點踢。