卡雲尼食紅牌　烏拉圭吞巴西2蛋

《串績王》新登場，最強博彩盤路過關神器：http://win.on.cc/football/　

周三(18日)早上世盃南美洲區外圍賽，巴西作客以2比0擊敗烏拉圭，4戰全勝高踞榜首位置。烏拉圭今場輸波之餘，更有老將前鋒卡雲尼因粗野攔截被罰紅牌出場。

巴西王牌前鋒尼馬受傷缺陣，烏拉圭亦有蘇亞雷斯日前確診新冠肺炎未能候命，不過作客嘅巴西始終人腳較佳，34分鐘艾法美路接應加比爾捷西斯回傳，禁區頂妙射先開紀錄；完半場前李察利臣再接應傳中頭槌頂入，巴西半場領先2比0。

烏拉圭下半場急於反撲，但係進攻乏力下愈踢愈粗野，卡雲尼喺70分鐘粗暴踩向李察利臣右足踝位置，球證最初判罰黃牌，但係經過VAR檢視後，決定將判罰提升為紅牌，而李察利臣亦因呢次受傷被調離陣，暫時未知傷勢程度。烏拉圭踢少過之後更加無力反攻，最終以0比2輸波。