比利時食硬曲奇 質素狀態乜都贏晒

2020年11月18日 20:30
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
歐國聯A2組終極一戰,將於周四凌晨上演,榜首比利時會喺主場迎戰排第2位嘅丹麥。目前比利時領先2分,今場只要不敗就可進身4強,相反丹麥要出線則非勝不可。然而,兩軍本身實力早已存在一定距離,比利時近18場主場賽事豪取16勝,而且前場火力十足,丹麥今場形勢上被動焗攻,隨時出現更大漏洞,比利時銳利鋒線可望早開紀錄,半場主勝值博。(有線664及604台周四凌晨3時45分直播)
比利時今屆分組賽5戰4勝,首循環作客丹麥,更加早喺9分鐘已經先拔頭籌,最終輕鬆贏2比0。事實上,比利時向來擅長喺比賽早段發動強攻,加上前鋒盧卡古、巴舒亞伊、梅頓斯,以至中場泰利文斯等攻擊好手把握力極強,往往能夠極早打開紀錄,為勝仗打好基礎。
上場閃破英軍顯霸氣
睇番比利時今屆5場歐國聯分組賽,「歐洲紅魔」都可以喺開賽16分鐘之內入到波,當中4場能夠順利半場領先,並且拎到最後勝利,可見呢班波嘅快攻戰術係幾咁犀利。比利時上輪對住英格蘭,正正係喺開賽10分鐘及24分鐘憑泰利文斯及梅頓斯先後建功,閃電擊破英軍。
丹麥焗攻防線勢危
作客嘅丹麥上場去到補時階段先入波險勝冰島,數字上仍然保持出線希望,不過門將卡斯柏舒米高勇戰受傷,今仗上陣成疑。丹麥今屆以防守力強見稱,但係今仗卻處於非勝不可嘅劣勢,戰術上被逼要採取更進取嘅打法,面對比利時超強力鋒線,一次失誤就可能鑄成大錯。比利時質高態勇,有力開出「半場勝」。