巴塞當黑？馬體會畀BBQ累死仲黑

《串績王》新登場，最強博彩盤路過關神器：http://win.on.cc/football/　

西甲豪門巴塞隆拿今季陷入財困，成績亦差，仲不斷有球員受傷，繼新星安素法迪早前重傷，需要長抖4個月之後，中場布斯基斯依家都傷埋，將缺陣周日(22日)凌晨西甲作客勁敵馬體會，好在烏拉圭國家隊搞BBQ幫番佢哋。

巴塞隆拿發表聲明指，布斯基斯扭傷左膝外側韌帶，暫時未知幾時可以復出。呢位32歲西班牙老將可以勝任防中同中堅，佢今季為巴塞上陣10次，其中8次係正選。布斯基斯缺陣之下，勢必令巴塞防線雪上加霜。

不過，馬體會亦有射手蘇亞雷斯日前確診新冠肺炎之外，中場盧卡斯托拉拿喺歸隊前所作新冠檢測一樣呈陽性，球員無任何病徵，目前喺家中隔離，換言之對巴塞都唔使預佢兩個。值得一提嘅係，盧卡斯托拉拿早前喺烏拉圭國家隊燒烤聚餐嗰陣，就係坐喺蘇亞雷斯旁邊，呢次真係唔知邊個惹邊個嘞。

馬體會一口氣少兩件，對巴塞教練朗奴高文而言，可以話係少有嘅好消息。