曼聯利物浦大鑊了　各有9位球員唔踢得

20201120
  • 東網電視
    更多新聞短片
    (Getty Images)
    《英超刨績王》加強版，最強數據一網打盡：http://win.on.cc/football/　
    國際賽之後，歐洲主要聯賽又準備開波，英超「雙紅」曼聯同利物浦好大鑊，陣中同樣有9位球員因為受傷或者確診新冠肺炎，好可能無緣今輪聯賽，成為英超「傷病大戶」。
    利物浦近期爆發嚴重傷病潮，特別係後防球員最嚴重，包括華基爾雲迪積克、祖高美斯、阿歷山大阿諾特、賴斯威廉士、法賓奴泰華利斯。
    中前場亦有堤亞高艾簡達拿、佐敦軒達臣、阿歷士張伯倫養傷，加上射手穆罕默德沙拿確診新冠肺炎，意味呢位9位球員將無緣嚟緊周一(23日)凌晨英超大戰對榜首李斯特城。
    至於曼聯同樣傷兵滿營，包括菲爾鍾斯、艾歷拜利、勞基梳爾、拉舒福特、安東尼馬迪爾、格連活特、連格、哈利馬古尼、域陀連迪路夫都有傷，紅魔鬼周日(22日)凌晨主場對西布朗，隨時又失分。
    英超列強之中，車路士人腳最齊整，只有基斯甸普列錫受傷，以及夏維斯確診新冠肺炎，車仔周六(21日)晚英超作客紐卡素，有力再下一城。