【官宣】艾寧夏蘭特奪歐洲金童獎

足球博彩神器，每日重心提供盡在《彩報》：http://win.on.cc/football/　

一年一度嘅歐洲金童獎選舉揭盎，效力多蒙特嘅前鋒艾寧夏蘭特順利贏得2020年冠軍。作為主辦媒體之一嘅《都靈體育報》，周六(21日)以頭版公布賽事結果，艾寧夏蘭特成為首個得獎嘅挪威球員，亦係自繼2011年嘅馬里奧葛斯後，第2位當選嘅多蒙特球員。

《都靈體育報》暫時未公布得票詳情，但20歲嘅艾寧夏蘭特就贏咗格連活特、安素法迪、艾方素戴維斯同施素保斯拉爾等強敵當選。艾寧夏蘭特今年初由薩爾斯堡轉會多蒙特後，喺德甲踢21場入19球，歐聯踢5場入6球，超高入球率令佢成為歐洲一線前鋒。

歐洲金童獎由歐洲超過10個國家傳媒投票，選出全年最出色的21歲以下球星，上年就由葡萄牙嘅祖奧菲歷斯贏出，朗尼、美斯、阿古路、保羅普巴、史達寧、基利安麥巴比等都曾經贏過歐洲金童獎，份量十足。