熱刺迎曼城捱細界

20201121
東網電視
更多新聞短片
《串績王》新登場,最強博彩盤路過關神器:http://win.on.cc/football/ 
今晚英超重量級大戰,熱刺主場惡鬥曼城。熱刺迎來英超魔鬼賽程,一班主力剛踢完國際賽,領隊摩連奴唔會亂攻用殘班兵,加上曼城費倫托利斯及菲爾科頓等球員喺國際賽期表現醒神,「寸王」隨時出番老本行「泊大巴」,穩定後防再謀反擊,一於捧3.5球入球細。(Now 621及611周日凌晨1時30分直播)
今仗兩軍教頭摩連奴同哥迪奧拿都係戰術大師,2人過往23次交鋒,哥迪奧拿獲11勝6和6負成績,不過若然由兩人登陸英超後開始計,連盃賽在內7次交手各贏3次,1次打和,勝負好睇臨場發揮。
熱刺聯賽3連勝,不過隔咗個國際賽,所有嘢都要由頭計過。佢哋今仗惡鬥曼城後,11月至拆禮物日期間要先後對車路士、阿仙奴、水晶宮、利物浦、李斯特城同狼隊,場場硬嘢。球隊多位主力剛踢完國際賽,球會仲搵專機接孫興民返英國,可想而知醫療團隊為球員體力如何恢復絞盡腦汁。
哥迪奧拿賽前續約
曼城賽前有喜訊,出年約滿嘅主帥哥迪奧拿終於肯續約,留隊至2023年,可以專心打江山,不過「藍月」受傷兵困擾,史達寧周中退出英格蘭國家隊,今場未必上陣,幾位喺國際賽有好表現嘅加比爾捷西斯、費倫托利斯及菲爾科頓將合作攻堅。至於熱刺教頭摩連奴相信會後防囤重兵,前面靠哈利卡尼、孫興民同加里夫巴利打反擊。事實上雙方近4次聯賽交手,3次開2球或以下,加上曼城鋒力唔及前幾季,近9場賽事8次開3球或以下,中位數3.5球細盤絕對玩得過。