愛華頓出手?肥安話想同基迪拉合作

2020年11月21日 21:20
東網電視
更多新聞短片
《串績王》新登場,最強博彩盤路過關神器:http://win.on.cc/football/ 
祖雲達斯中場基迪拉,日前表示夢想係去英超搵食,呢位明年回復自由身嘅前德國國腳,被傳可能會去熱刺,同昔日皇家馬德里教練摩連奴合作,33歲嘅基迪拉表示如果摩連奴向佢招手,佢係「無可抗拒」。不過,依家率先暗示想同基迪拉合作嘅唔係摩連奴,而係另一位前皇家馬德里主帥安察洛堤。
目前帶領愛華頓嘅安察洛堤表示:「我同基迪拉喺皇家馬德里有過美好回憶,佢係一個非常專業嘅球員,我好樂意同佢再次合作。當然,我教練生涯同好多好球員合作過,我同好多人都有美好回憶。」愛華頓今夏簽入占士洛迪古斯呢位前皇家馬德里中場,被視為英超最佳收購,如果可以免費得到基迪拉來投,未嘗唔係一次值博嘅投資。