霸氣！熱刺3大數據都做一哥

《串績王》新登場，最強博彩盤路過關神器：http://win.on.cc/football/　

熱刺以2比0擊敗曼城之後，唔止升上英超榜首，而且射手榜、助攻榜榜首都係熱刺嘅球員，簡直係「大滿貫」一哥。

孫興民今場為熱刺打開紀錄，佢今季聯賽已經有9球進帳，力壓3位入8球嘅球員卡維特利雲、穆罕默德沙拿、占美華迪，獨佔射手榜榜首。呢位28歲南韓國腳今季各項賽事，上陣14場射入11球及5次助攻，效率驚人。

至於熱刺射手哈利卡尼變身助攻王，佢今場傳畀盧施素射入，今季英超已有9次助攻，拋離第2位嘅基亞利殊4次。與此同時，呢位英格蘭國腳亦有7個聯賽入球，相信好快可以做到英超入波助攻「雙雙」。