【有片】世紀大撻Q　利華門將詭異擺烏龍

《串績王》新登場，最強博彩盤路過關神器：http://win.on.cc/football/　

周六(21日)深夜，德甲出現世紀烏龍波，利華古遜門將哈迪基接應隊友回傳時，想大腳解圍，卻大撻Q，皮球漏入網，變成擺烏龍，好彩利華古遜最後仍然以2比1擊敗比勒費爾德。

利華古遜27分鐘由里安拜尼入波先開紀錄，最「精彩」一幕出現喺下半場開波2分鐘，當時利華左閘辛格拉雲回傳畀哈迪基，呢位芬蘭門將想第一時間解圍，皮球忽然彈高少少，搞到佢嚴重撻Q，個波碌咗入網，情況好似比利時門將泰拔高圖爾斯喺早前歐國聯控唔到波，皮球直漏入網。

好彩利華古遜由後備上陣嘅德高域，喺88分鐘射入，以2比1絕殺比勒費爾德，救番哈迪基一命。