港甲 大戰多人睇!陳偉豪:應該旺角場踢

2020年11月22日 18:29
東網電視
更多新聞短片
陳偉豪受訪時繼續維持一貫幽默作風。   (黃雋謙攝)
今場前港超戲碼不乏座上客,目測所見大概逾100名觀眾。一向以幽默見稱的前港隊中堅陳偉豪,戲言比賽應在旺角大球場舉行,門票收入應相當可觀,更笑稱可考慮將甲組大戰安排在港超聯尾場之前,有望刺激港超入座率。被問到已未有出戰正式比賽8個月的他,有否對90分鐘作賽感辛苦時,他繼續大放笑彈:「都唔算好正式啫,對面黃耀富都踢緊,業餘波嚟㗎啫。但開頭係辛苦嘅,因為3月到依家只係踢咗2場友賽,仲要今日有啲曬,所以我都要用成7、80分鐘嚟熱身,臨尾10分鐘先發力。」
他又對能在甲組賽事,與昔日南華隊友作賽感高興:「以前踢南華冇得享受足球,場場都咁緊要。依家大家聚一聚,遲啲可能『肇麒』打後,我打前,轉吓位玩吓。」「偉豪」更透露,東區之後可能會再有具份量的新兵加盟,又盼望最近的疫情惡化,不會再次煞停剛開季的本地足球賽事。
今場身穿17號球衣的陳肇麒,亦大嘆自己今場是自3月後第一次正式落場,能在疫情期間除口罩踢波是一件賞心樂事。他又指今天不俗的入座率,證明他和一眾前港超球員過往的努力沒有白費。
至於效力深水埗的前和富大埔球員許嘉樂表示,由3月戰罷「菁英盃」至今,相隔8個月沒有踢過正式比賽,坦言重返球場感相當吃力:「始終我哋唔係全職球隊,1星期只有1、2日練習,呢場比賽體能消耗大,最後10幾分鐘踢得幾辛苦。」今場賽事面對着熟悉對手陳偉豪、陳肇麒等,許嘉樂感到興奮:「冇諗過加入港甲第1場就要對佢哋,佢哋嘅經驗比我哋豐富,打成平手對我哋好大鼓舞,證明我哋係有能力。」