卡維特利雲起孖 拖肥贏波終止3連敗

2020年11月22日 21:55
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
周日晚(22日)英超頭場,近況堅頹嘅愛華頓靠射手卡維特利雲省兩粒,作客以3:2擊敗富咸,終於重上正軌。
今仗「拖肥糖」有前鋒李察利臣刑滿復出,開波僅42秒,佢即喺左路舞龍咁舞,然後橫傳畀好拍檔卡維特利雲近門撞入。雖然富咸一度由卜比列特扳平,卡維特利雲更因越位在先食咗鋪詐胡,好彩呢位英格蘭國腳喺29分鐘接應盧卡斯迪治尼妙傳近射得手,呢球亦係佢今季聯賽第10個士哥,位居射手榜榜首,冇耐又係盧卡斯迪治尼傳中,杜哥利頂成3:1。下半場富咸曾博到12碼,可惜艾雲卡華利路操刀竟跣腳高出,就算羅夫度斯卓克追番粒,但愛華頓最終亦險勝3:2,終止聯賽3連敗頹勢。卡維特利雲之前冇咗李察利臣,要孤軍作戰始終差啲,今仗有番呢位巴西國腳拍住上,即刻生猛晒,如果唔係越位就大演帽子戲法,佢重拾信心,最開心梗係主帥安察洛堤喇。